T20 ලෝක කුසලානයට සෘජුව සුදුසුකම් ලබාගැනීමට ලංකාවට නොහැකි වෙයි

2020 වසරේදී ඔස්ට්‍රේලියා‌වේ පැවැත්වීමට නියමිත විස්සයි20 ලෝක කුසලාන තරගාවලියට සෘජුව සුදුසුකම් ලැබීමේ අවස්ථාව ශ්‍රී ලංකාවට අහිමි වී තිබේ. ඒ අනුව ශ්‍රී ලංකාවට සුදුසුකම් ලැබීමෙ තරග ක්‍රීඩා කරමින් තරගාවලියේ සුපිරි 12 දෙනොගේ කාණ්ඩයට පැමිණීමට සිදුවනු ඇත.

දෙසැම්බර් 31 දාට පැවැති විස්සයි20 කණ්ඩායම් ශ්‍රේණිගත කිරීම්හි අනුව මුල් ස්ථාන ලබාගත් කණ්ඩායම් 8 සෘජුවම සුපිරි 12 දෙනාගේ වටයට ක්‍රිඩා කරයි.

අනෙක් කණ්ඩායම් හතර කාණ්ඩ වටයෙන් පවත්වන තරගාවලියෙන් ප්‍රධාන තරගාවලියට පැමිණෙනු ඇත.

පාකිස්තානය, ඉන්දියාව, ඔස්ට්‍රේලියාව, දකුණු අප්‍රිකාව, නවසීලන්තය, බටහිර ඉන්දීය ‌කොදෙව් , ඒංගලන්තය හා ඇෆ්ගනිස්තානය දැනටමත් සුපිරි 12 දෙනාගේ වටයට සුදුසුකම් ලබාගෙන ඇත.

ශ්‍රී ලංකාව, බංග්ලාදේශය හා තවත් රටවල් හයක් කාණ්ඩ තරගාවලියට ක්‍රීඩා කරන අතර ඒයින් සුදුසුකම් ලබාගන්නා කණ්ඩායම් 4ක් සුපිරි 12 දෙනාගේ තරගාවලියට ක්‍රීඩා කරනු ඇත. මෙම කාණ්ඩ තරගාවලිය 2020/10/18 දා සිට 2020/11/15 දා දක්වා පැවැත්වෙනු ඇත.

ශ්‍රී ලංකාව විස්සයි20 ලෝක කුසලානය ඒක් අවස්ථාවකදී ජයගෙන ඇති අතර අවස්ථා තුනකදී අවසන් මහ තරගයට ක්‍රීඩා කර තිබේ. ශ්‍රී ලංකාව අභිභවමින් ඇෆ්ගනිස්ථානය ප්‍රධාන තරගාවලියට සුදුසුක් ලබාගෙන ඇත.

Leave a Reply

Your email address will not be published. Required fields are marked *