Menu

රනිල්ට සහාය දීමට සජිත් ඇතුළු 8කගෙන් යෝජනාවක් ..12 වැනිදා විවාදයට..

December 7, 2018

එක්සත් ජාතික පෙරමුණේ නායක රනිල් වික්‍රමසිංහ මහතාට අග්‍රාමාත්‍යවරයා වශයෙන් කටයුතු කිරීමට පාර්ලිමේන්තුවේ උපරිම විශ්වාසය ඇති බවට වූ යෝජනාවක් එක්සත් ජාතික පක්‍ෂ නියෝජ්‍ය නායක සජිත් ප්‍රේමදාස මහතා ඇතුළු එක්සත් ජාතික පෙරමුණ නායකයන් 08 දෙනෙකුගේ අත්සනින් යුතුව පාර්ලිමේන්තු මහලේකම්වරයාට භාරදී තිබේ.

මෙම යෝජනාව මේ වනවිට දින නියමයක් නොමැති යෝජනාවක් ලෙස පාර්ලිමේන්තු න්‍යාය පුස්තකයට ඇතුළත්කර ඇත.

ඒ අනුව මෙම යෝජනාව ලබන 12 වැනිදා පාර්ලිමේන්තුවට ඉදිරිපත්කිරීමට බොහෝ දුරට ඉඩ ඇති අතර,එය පාර්ලිමේන්තුවේ විවාදයට ලක්කර ඡන්ද විමසීමටද නියමිතය.

රනිල් වික්‍රමසිංහ මහතාට විශ්වාසය පළකිරීමේ යෝජනාව සඳහා පාර්ලිමේන්තුවේ ඡන්ද විමසීමක් සිදුකිරීමටද නියමිතව ඇත.

එක්සත් ජාතික පෙරමුණේ නායකයන් වන සජිත් ප්‍රේමදාස, රවි කරුණානායක, අකිල විරාජ් කාරියවසම්, ලක්ෂ්මන් කිරිඇල්ල, රාජිත සේනාරත්න, පලනි දිගම්බරම්, මංගල සමරවීර, රිෂාඩ් බදියුදීන් යන මන්ත්‍රීවරුන්ගේ අත්සනින් යුතුව මෙම යෝජනාව බාරදී තිබේ.

එක්සත් ජාතික පෙරමුණ මන්ත්‍රීවරුන් සහ දෙමළ ජාතික සන්ධාන මන්ත්‍රීවරුන් මෙම යෝජනාව සඳහා පක්‍ෂව ඡන්දය භාවිත කිරීමට නියමිත අතර, ජනතා විමුක්ති පෙරමුණ විරුද්ධව ඡන්දය භාවිත කිරීමට නියමිතය.

 

වැඩිපුරම කියැවූ පුවත්

කුසල් – දිමුත් ශ‍්‍රී ලංකාවේ ගෞරවය බේරා ගැනීමේ ප‍්‍රබල සටනක