Menu

අගමැති මහින්ද හා කැබිනට් මණ්ඩලය තව දුරටත් ක‍්‍රියාත්මකයි.. අභියාචනාධිකරණයෙන් ලෝක වාර්තා තබන නියෝගයක්..

December 6, 2018

පිිවිතුරු හෙළ උරුමය මූලස්ථානයේදී පැවති මාධ්‍ය හමුවේ දී පක්ෂ නායක නීතිඥ උදය ගම්මන්පිල මහතා මෙම අදහස් පල කලේය.

පසුගිය 3 දා අභියාචනාධිකරණය අපූරු නියෝගයක් ලබා දුන්නා. ඒ විපක්ෂයේ මන්ත්‍රිවරු ගොනු කර තිබුණු කො වොරොන්ටො පෙත්සමේ තීන්දුව දෙන තෙක් මහින්ද රාජපක්ෂ මැතිතුමා අගමැති තනතුරේ කටයුතු කිරීමත් ඇමති තනතුරු දැරූ අය ඇමති තනතුරු කටයුතු කිරීමත් වලක්වා ලමින්. මහින්ද මැතිතුමා අගමැති ධූරයෙන් ඉවත් වී තනතුර පුරප්පාඩු වී ඇති බවට ප්‍රකාශයක් කර තිබෙනවා ද? නෑ. ඇමති මණ්ඩලය විසිර ගොස් ඇති බවට ප්‍රකාශයක් කර තිබෙනවා ද? නෑ. ප්‍රකාශ කර තිබෙන්නේ ඒ තනතුරු වල කටයුතු කිරීම වැලැක්වීමේ නියෝගයක් පමණයි. ඒ කියන්නේ මේ මොහොතේත් මහින්ද මැතිතුමා තමයි අගමැති. නමුත් ඔහුට අගමැති තනතුරේ කටයුතු කරන්න බෑ. අපි තවමත් ඇමතිවරු. හැබැයි ඇමති තනතුරේ කටයුතු කරන්න බෑ.

මේ තත්වය යටතේ දැන් අගමැති ඇමති තනතුරු වල පුරප්පාඩුවක් නෑ. ඉතින් ජනාධිපතිතුමා දැන් අළුත් ඇමති මණ්ඩලයක් පත් කරන්නේ කොහොමද? අපි ඇමති තනතුරු වල සිටින තෙක් අළුත් ඇමති මණ්ඩලයක් පත් කරන්න බෑ. මේ නිසා ජනාධිපතිතුමාට උසාවියේ තීන්දුව ලබාදෙන තෙක් ඒක පුද්ගල ඇමති මණ්ඩලයක් ලෙස කටයුතු කරන්න සිදු වෙලා තිබෙනවා. 1978 ව්‍යවස්ථාව පිළිබඳ විශ්ලේෂණාත්මක පොතක් ලියූ ආචාර්ය එන් එම් පෙරේරා මහතා මෙම ව්‍යවස්ථාව අනුව ඒක පුද්ගල ඇමති මණ්ඩලයක් පත් විය හැකි බවට අනාවැකියක් පල කළා. එන් එම් පෙරේරා මැතිතුමනි, ඔබතුමා නැතත් ඔන්න ඔබේ අනාවැකිය අධිකරණයෙන් සැබෑ වෙලා තියෙනවා.

මා දන්නා තරමින් ලෝක ඉතිහාසයේ කිසිම කලක කිසිම රටක අධිකරණයක් විසින් අගමැති සහ ඇමති මණ්ඩලය තනතුරේ කටයුතු කිරීම අත්හිටුවා නෑ. එහෙම අවස්ථාවක් පිළිබඳ දන්නවා නම් අපේ දැනුම වර්ධනය කර ගන්නත් එක්ක දන්නා කෙනෙක් අපට කියාවි කියලා බලාපොරොත්තු වෙනවා.

– අරවින්ද අතුකෝරල

වැඩිපුරම කියැවූ පුවත්

කුසල් – දිමුත් ශ‍්‍රී ලංකාවේ ගෞරවය බේරා ගැනීමේ ප‍්‍රබල සටනක