සෞන්දර්යෙන් පිරි ලුණුගම්වෙහෙර

සෞන්දර්යෙන් පිරි ලුණුගම්වෙහෙර

සංචාරයට කැමති ඔබට කදිම තැනක් ලෙස ලුණුගම්වෙහෙර ජාතික වනෝද්‍යානය නම් කරන්න පුළුවන්. ලුණුගම්වෙහෙර ජාතික වනෝද්‍යානය වියළි කලාපයට අයත් බැවින් වාර්ෂික නියඟයට ලක්වන මුත් නැවතත් මෝසම් සුළං වර්ෂාවෙන් අලුත් පණ ලබයි.

උඩවලව සහ යාල ජාතික වනෝද්‍යානයන්වල දක්නට ලැබෙන ජෛව විවිධත්ව ලක්ෂණ මෙහි දක්නට ලැබේ. මේ බිම් ප්‍ර‘දේශයෙහි අලි ඇතුන්, කොටියා, වලහ, මුවා ආදී ක්ෂීරපායි සතුන්ගෙන් මෙන්ම මොණරු ආදී කුරුලු විශේෂයන්ගේ වාසභූමියක් ලෙස හැඳින්වීම වරදක් නොමැත. ඒ නිසා ඔබ මෙම වනෝද්‍යානයේ සංචාරය කරනවා නම් අලුයම 5.00 ට පමණ වනෝද්‍යානය තුළට ඇතුළු වුවහොත් ඔබට බොහෝ සතුන් දැක බලාගැනීමට මෙන්ම එහි ඇති සොඳුරු ඉසව්වල පහස විඳීමේ හැකියාව තිබේ.

වෙහෙරගල ජලාශය ඉදිවීමත් සමග ලුණුගම්වෙහෙර වනපෙතට නව පරිසරයක් නිර්මාණය විය. වෙහෙරගල ජලාශය ඉදිවීමත් සමග එහි පැවැති වියළි කර්කශක තත්ත්වය සමනය වී තිබෙන අයුරු එහි සංචාරය කරන ඔබට විඳගැනීමට හැකිය.

මෙම වනෝද්‍යානයෙහි දෙස් විදෙස් සංචාරකයන්ට සංචාරය කරන්න පාරවල් ඉදි කර තිබෙන්නේ දිය පාරවල් වලට සමාන්තරවය. මේ දිය පාරවල් වන සතුන්ට සුපෝෂණ තත්ත්වයක් ඇති කර තිබෙන බැවින් ඒ අසල සතුන්ගේ ගැවසීම වැඩියි. මෙය සංචාරකයන්ට වන සතුන් බලාගැනීමට කදිම අවස්ථාවක්.

ඔබත් විවේකී දිනයක කාර්යබහුල වූ ජීවිතයෙන් මිදී ගහකොළ පිරි පරිසරයක අසිරිය විඳින්නට කැමැත්තෙන් සිටීනම් මේ වනෝද්‍යානය නැරඹීමෙන් අධ්‍යාපනය මෙන්ම පීඩාකාරී ජීවිතයට යම් පහසක් වනු නොඅනුමානයි.

මෙන්න බලන්න වැඩිපුරම කියැවූ පුවත්

Leave a Reply

Be the First to Comment!

Notify of
avatar
wpDiscuz