Menu

ජනපති අණ නොතකා කුණු ලොරි එන මග දැවැන්ත විරෝධතාවයක් – පොලිසිය සහ විරෝධතාකරුවන් අතර උණුසුම් තත්වයක්

April 21, 2017

කොළඹට එක්රැස් වන කැළි කසළ වත්තල , බෝපිටිය ප්‍රදේශයට බැහැර කිරීමට එරෙහිව එම ප්‍රදේශයේ ජනතාව අද (21) දැවැන්ත විරෝධතාවයක් පැවැත්වූවා.ප්‍රදේශයේ ආගමික නායකයින්, දේශපාලනඥයින් සහ ජනතාව එක්ව මෙම විරෝධතාව පවත්වා තිබෙනවා.

වත්තල , බෝපිටිය ,නුගපේ ප්‍රදේශය කසළ බැහැර කිරීම සදහා හදුනා ගෙන ඇති එක් ස්ථානයකී. සුපුරුදු ලෙස අද දිනයේදීත් එම ස්ථානයට කසල බැහැර කිරීම සදහා කසළ රැගත් ලොරි කිහිපයක් පැමිණියද ප්‍රදේශවාසීන්ගෙන් එල්ලවූයේ දැඩි විරෝධයකී.මාර්ගය හරස් කරමින් ප්‍රදේශවාසින් විසින් එහිදී දිගින් දිගටම විරෝධතා පැවැත්වූවා.

මහ මග නිදා ගනිමින් විරෝධතාකරුවන් එහිදී කලහාකාරි ලෙස හැසිරුණු අතර  තත්වය පාලනය කිරීම සදහා පොලිසියටද මැදිහත් වීමට සිදු විය. එහිදී පොලිසිය සහ විරෝධතාකරුවන් අතර උණුසුම් තත්වයක් ඇතිවූ අතර ,ප්‍රදේශවාසීන් විසින් පොලිසියට “හූ ” කියමින් තම විරෝධය දැක්වූවා.

නමුත් එම ස්ථානයට පැමිණි පොලිස් සහ පොලිස් විශේෂ කාර්ය බළකායේ නිළධාරීන් විරෝධතාකරුවන් එම ස්ථානයෙන්ඉවත්  කර කසළ බැහැර කිරීම සදහා අවස්ථාව ලබා දුන්නා.

අදාළ පිරිස කසළ බැහැර කිරීමට එරෙහිව මෙලෙස විරෝධතා පැවැත්වූයේ සියලුම පළාත් පාලන ආයතනවල අපද්‍රව්‍ය බැහැර කිරීමේ සේවාවන් අත්‍යාවශ්‍ය සේවා බවට පත් කරමින් ජනාධිපතිවරයා විසින් විශේෂ ගැසට් නිවේදනයක් නිකුත් කර තිබියදීයි.

මෙම ගැසට් නිවේදනය ඊයේ (2017-04-20) මධ්‍යම රාත‍්‍රි 12.00 සිට බලාත්මක වේ.

වැඩිපුරම කියැවූ පුවත්