Menu

‘මම දන්නෑ අගමැතිතුමාගේ හිත රිදුනද කියලා’ – එජාප නායකත්වය ගැන දැඩි විවේචන..සජිත්ටත් කැපිල්ලක්

February 13, 2018

එක්සත් ජාතික පක්ෂ නායකත්වය පිළිබඳව යම් යම් විවේචන ඉදිරිපත්ව ඇති බව තමන් අග්‍රාමාත්‍යවරයාට පැවැසූ බවත් ඒ අනුව ඔහුගේ හිත රිඳුණාදැයි තමන් නොදන්නා බවත් නියෝජ්‍ය අමාත්‍ය හර්ෂද සිල්වා පැවසීය.

එක්සත් ජතික පක්ෂ අමාත්‍යරුවන් අතර අරලිය ගහ මන්දිරයේ පැවැති සාකච්ඡාවන් අනතුරුව මාධ්‍ය වෙත අදහස් දක්වමින් හර්ෂද සිල්වා මේ බව පැවැසීය.

“මම අගමැතිතුමාට කිව්වා හිත රිදව ගන්න දෙයක් නෙමෙයි අපේ නායකත්වය ගැන යම් යම් විවේචන ඉදිරිපත් වෙලා තිබෙනවා කියලා. අපි යථාර්ථය තේරුම් ගන්න ඕන. මොකක්ද කොයි ආකාරයෙන්ද අපේ පක්ෂය ඉදිරියට අරගෙන යන්නේ කියලා. ජේ.ආර්. ජයවර්ධන මහත්තයාගේ කාලේ අපි දැක්කා දෙවැනි පෙළක්. ප්‍රේමදාස මහත්තයා, ලලිත් ඇතුළත්මුදලි මහත්තයා, ගාමිණී දිසානායක මහත්තයා එහෙම.

එතකොට අපෙන් මොකක්ද බලාපොරොත්තු වෙන්නේ. පක්ෂ නායකත්වය ගැන මම හිතුවා යම්කිසි සමාජ ස්ථරයක තිබෙන කාරණාවක් කියලා. නමුත් එහෙම නෙමෙයි. අපි දකිනවා මේක අපේ පාක්ෂිකයන් අතර තිබෙන කතාවක්. අපි මේ ගැන කතා නොකළොත් අපිට මේ ප්‍රශ්න වලට විසඳුම් සොයන්න බෑ. මම දන්නේ නෑ අගමැතිතුමාට මාත් එක්ක හිත රිඳුනද  කියලා. නමුත් මේ කතාව අපි කරන්න ඕන.”යැයි අමාත්‍යවරයා පැවසීය

මේ අතර අමාත්‍ය සජිත් ප්‍රේමදාස මහතාට එක්සත් ජාතික පක්ෂ නායකත්වය ලබාදිය යුතු බවට පසුපෙළ මන්ත්‍රීවරු කිහිප දෙනෙකු යෝජනා කර ඇති අතර පක්ෂ ජෙෂ්ඨයන්ගේ අදහස වී ඇත්තේ “සජිත් ප්‍රේමදාස අමාත්‍යවරයාට තමන්ගේ ආසනයවත් දිනාගන්න බැරිව පක්ෂය දිනවන්නේ කෙසේදැයි” යන ගැටලුව පැන නැගෙන බැවින් ඔහු පක්ෂ නායකත්වය සඳහා සුදුසු නොවන බවයි.

එබැවින් පක්ෂ නායකත්වයේ වෙනසක් මේ අවස්ථාවේදී අවශ්‍ය නොවන බවට බහුතරයකගේ මතය වී ඇති බව සිරිකොත ආරංචි මාර්ග ඔස්සේ වාර්තා වෙනවා.

වැඩිපුරම කියැවූ පුවත්

කුසල් – දිමුත් ශ‍්‍රී ලංකාවේ ගෞරවය බේරා ගැනීමේ ප‍්‍රබල සටනක