Menu

හයේ පහර 07ක් සමගින් සංගා දියත් කල ඉනිම වතුරේ යයි..තියුණු සටනකින් පසු ‘හොංකොං’ ශූරතාවය අහිමි වෙයි

February 12, 2018

අවසන් මහා තරගයෙන් සංගක්‌කාරලාගේ ගැලැක්‌සි ග්ලැඩියේටර්ස්‌ හමුවේ ලකුණු 6 ක තියුණු ජයක්‌ ලැබූ හංග් හොම් ජගුවාර්ස්‌ හොංකොං බ්ලිස්‌ට්‌ විස්‌සයි විස්‌ස ක්‍රිකට්‌ තරගාවලියේ ශූරතාව දිනා ගැනීමට සමත් විය.

තරඟයේ කාසිය වාසිය දිනාගත් ගැලැක්සි කණ්ඩායම පළමුව පන්දුවට පහරදීමේ අවස්ථාව ප්‍රතිවාදීන්ට ලබාදුන් අතර ඔවුන් තම පන්දුවාර 20 තුල ලකුණු 200/7 ලබා ගැනීමට සමත් විය.

ජගුවර් කණ්ඩායම වෙනුවෙන් වැඩිම ලකුණු ලාභියා බවට පත් වෙමින් නිසාකට් ඛාන් ලකුණු 93ක් ලබාගත් අතර ජෝන් බෝතා ලකුණු 36ක් ලබා ගැනීමට සමත් විය.පන්දු යැවීමේදී ගැලැක්සි කණ්ඩායම වෙනුවෙන් ඉම්රාන් අසීෆ් කඩුලු 4ක් සහ අර්ශාඩ් මොහොමඩ් කඩුලු 2ක් දවා ගැනීමට සමත් විය.

ලකුණු 201 ක ජයක් හඹා යාමට පිටියට පැමිණි ගැලැක්සි කණ්ඩායම වෙනුවෙන් නායක කුමාර සංගක්කාර තරඟාවලිය තුල පිට පිට ලබා ගන්නා තෙවන අර්ධ ශතකය ලබා ගනිමින් ලකුණු 76ක් පන්දු 46 කදී ලබා ගත්තේ හතරේ පහර 4ක් සහ හයේ පහර 7ක් ද සමඟය. ඔහුට අනගි සහයක් ලබා දුන් ආරම්බක පිතිකරු බලාල් මහම්මුඩ් ලකුණු 33 ක් ලබාගෙන පළමු කඩුල්ල සඳහා ලකුණු 101 ක සම්බන්දතාවයක් පැවැත්වුවද තරඟය අවසන් වුයේ ලකුණු 6ක ජයක් ජගුවර් කණ්ඩායමට හිමිකර දෙමිනි.ගැලැක්සි කණ්ඩායම පන්දුවාර 20 තුල ලබා ගත්තේ 194/4 පමණය.

තරඟාවලියේ වැඩිම දවා ගැනීම් ප්‍රමාණයකට දායක වෙමින් සංගා දවා ගැනීම් 09 කට තම දායකත්වය ලබාදුන් අතර පිතිකරුවෙකු ලෙස ලකුණු 311 ක් ලබාගෙන වැඩිම ලකුණු ලාභියා බවටද පත්වෙන්නට සමත් විය.

 

 

වැඩිපුරම කියැවූ පුවත්

කුසල් – දිමුත් ශ‍්‍රී ලංකාවේ ගෞරවය බේරා ගැනීමේ ප‍්‍රබල සටනක