Menu

ආණ්ඩුවේ ප‍්‍රබල ඇමතිවරු තිදෙනෙක් කැබිනට්ටුවේදී හැප්පෙති ..

January 17, 2018

මත්පැන් අලෙවිසැල්වල කාන්තාවන් සේවය කිරීම සහ කාන්තාවන්ට මත්පැන් අලෙවි කිරීමේ නීති රීති ළිහිල් කිරීම සම්බන්ධයෙන් ඊයේ (16) පැවති කැබිනට් රැස්වීමේදී ප්‍රබල ඇමතිවරුන් තිදෙනකු මත ගැටුමකට මැදිවී තිබේ.

ඇමති වරුන් වන දොස්තර රාජිත සේනාරත්න සහ පාඨලී චම්පික රණවක දෙදෙනා මෙම නීතිරීති ළිහිල් කිරීමට තදින් විරෝධය පළකළ බව රජයේ ආරංච් මාර්ග සඳහන් කරයි.

එහිදි අදහස් දක්වා ඇති මුදල් ඇමති මංගල සමරවීර මහතා කියා ඇත්තේ මත්පැන් අලෙවිසැල්වල සේවය කිරීමට හා මත්පැන් මිලදී ගැනීමට කාන්තාවන්ට පනවා තිබූ තහනම ඉවත් කළේ කාන්තාවන්ට කියා වෙනම නීතියක් පනවා තිබීම සාධාරණ නොවන නිසා බවයි.

මත්පැන් අලෙවිසැල්වල සේවය කිරීමට පනවා තිබූ තහනම ඉවත් කිරීමට හා මත්පැන් අලෙවිසැල් විවෘතව තබන වේලාව දීර්ඝ කිරීමට නිකුත් කර තිබූ ගැසට් නිවේදනය අවලංගු කිරීමට ද කැබිනට් මණ්ඩලය ඊයේ(16) තීරණය කළේය.

මෙම ගැසට් නිවේදනය නිකුත් කිරීම සම්බන්ධයෙන් ජනාධිපති මෛත්‍රිපාල සිරිසේන මහතා ද ඉකුත්දා විරෝධය පළකර තිබිණි.

වැඩිපුරම කියැවූ පුවත්

කුසල් – දිමුත් ශ‍්‍රී ලංකාවේ ගෞරවය බේරා ගැනීමේ ප‍්‍රබල සටනක