Menu

“ඇමති ධුරයෙන් ඉවත් කළොත් සියලු රහස් හෙළි කරනවා” -අගමැතිට රතුඑළි

May 9, 2017

තමන් දරණ ඇමති ධුරයෙන් ඉවත් කළහොත් පාර්ලිමේන්තුවේ පසුපෙළ වාඩිවී, බැඳුම්කර ගනුදෙනුවට අදාළ සියලු රහස් හෙළිකරන බව ප්‍රබල ඇමතිවරයෙකු අගමැතිවරයාට දිගින් දිගටම තර්ජනය කරමින් සිටින බව ‘සිරිකොත‘ එජාප ආරංචිමාර්ග පවසයි.

මාස ගණනක සිට කතාබහට ලක්වන කැබිනට් සංශෝධනයට අගමැතිවරයාගේ අනුමැතිය මෙතෙක් නොලැබීමට එයද ප්‍රබල හේතුවක් වී ඇති බව එම ආරංචි මාර්ග සදහන් කරයි.

මේ අතර අගමැතිවරයා තවදුරටත් කැබිනට් සංශෝධනයට එකග නොවන්නේ නම් මීළග කැබිනට් මණ්ඩල රැස්වීමෙන් පසු තමා කැබිනට් රැස්වීම්වලට සහභාගී නොවන්නේ යැයි ජනාධිපතිවරයා එජාප ප්‍රබලයෙකුට පවසා ඇති බවද වෙබ් අඩිව වාර්තා කර තිබේ.

වෙසක් පොහොයට පෙර කැබිනට් සංශෝධනය සිදු කරන බවට ජනාධිපතිවරයා මාධ්‍ය වෙත දුන් පොරොන්දුවට අනුව ඉදිරි දෙදින ඇතුළත එම සංශෝධනය සිදු කළයුතුව ඇති අතර, ඊට එජාපයේ අනුමැතිය ලැබී නොමැති නිසා ශ්‍රීලනිප ඇමතිවරුන්ගේ පමණක් ඇමති ධුර සංශෝධනය කරනු ඇති බවටද ආරංචි මාර්ග කියා සිටී.

වැඩිපුරම කියැවූ පුවත්