Menu

දිනේෂ් ගුණවර්ධන වෙන්වෙයි.. වෙන්ව තරග වදින්නට තීරණය කරයි..

December 6, 2017

එක්සත් ජනතා නිදහස් සන්ධානයේ විධායක සභාව දීර්ඝ කලකට පසු ජනාධිපති මෛත‍්‍රීපාල සිරිසේන මහතාගේ ප‍්‍රධානත්වයෙන් ජනාධිපති මන්දිරයේදී ඊයේ පස්වරුවේ රැස්වින.

එක්සත් ජනතා නිදහස් සන්ධානයේ පක්‍ෂ නායකයෙක් වන ඒකාබද්ද විපක්ෂයේ නායක දිනේෂ් ගුණවර්ධන මහතාද එම අවස්ථාවට සහභාගී විය.

එහිදී මහජන එක්සත් පෙරමුණ, ශ‍්‍රී ලංකා මහජන පක්‍ෂය, දේශ විමුක්ති ජනතා පක්‍ෂය ඉල්ලා සිටියේ තමනට එක්සත් ජනතා නිදහස් සන්ධානයෙන් ඉවත්ව වෙනම තරග කිරීමට උවමනා බවයි.

ඒ සදහා එක්සත් ජනතා නිදහස් සන්ධාන විධායක සභාවේ අනුමැතිය ලැබී ඇත.

එක්සත් ජනතා නිදහස් සන්ධානයේ පක්‍ෂවලට වෙන්න වෙන්ව පළාත් පාලන මැතිවණයට තරග වැදිය හැකි යෝජනාවක් ඉදිරිපත් කල බවත් එය ඒකඡුන්දයෙන් සම්මත වූ බවත් පාර්ලිමේන්තු මන්ත‍්‍රී දිනේෂ් ගුණවර්ධන කියා සිටියේය.

සන්ධානයේ විධායක සභාව සදහා සහභාගී වූයේ ඒකාබද්ද විපක්‍ෂව දැනුවත් කර බවත් සුපරුදු ලෙස ඒකාබද්ද විපක්‍ෂය සමග ඉදිරි දේශපාලන කටයුතු කරගෙන යන බවද ඔහු වැඩි දුරටත් පැවසීය.

වැඩිපුරම කියැවූ පුවත්

කුසල් – දිමුත් ශ‍්‍රී ලංකාවේ ගෞරවය බේරා ගැනීමේ ප‍්‍රබල සටනක