Menu

ඉන්දියානු කණ්ඩායම ඉනිම අත්හිටුවයි..ශ‍්‍රී ලංකා කන්ඩායමට දැවැන්ත ඉලක්කයක්(UPDATE)

December 5, 2017

සංචාරක ශ්‍රී ලංකා කණ්ඩායම හා සත්කාරක ඉන්දීය කණ්ඩායම අතර දිල්ලි ෆේරොෂ් ෂා කොට්ලා ක්‍රීඩාංගණයේ පැවැත්වෙන තෙවැනි හා අවසන් ටෙස්ට් තරගයෙදී ශ්‍රී ලංකාවට ලකුණු 410ක ජයග්‍රාහී ඉලක්කයක් ලබාදෙමින් ඉන්දියාව සිය දෙවැනි ඉනිම 246/5ක් ලෙස අත්හිටුවීය.

ඉන්දියානු කන්ඩායම වෙනුවෙන් පළමු ඉනිමේදී ද්විත්ව ශතකයක් රැුස් කළ විරාත් කෝලි දෙවන ඉනිමේදී ලකුණු 50ක් ලබා ගැනීමට සමත් වු අතර ළහිරු ගමගේ එවු පන්දුවකට සුරංග ලක්මාල් අතර උඩපන්දුවක් ලබා දෙමින් ගියේය. ඉනිම අත්හිටුවන විටදි නොදැවී කඩුල්ලේ රැදී සිටි රෝහිත් ශර්මා නොදැවී ලකුණු 50ක් ලබා සිටියහ.

පළමු ඉනිමේදී ශතකයක් ලබාගත් මුරලි විජේ ඉක්මනින්ම ක්‍රීඩාගාරය වෙත හරවා යැවීමට සුරංග ලක්මාල් සමත්වූ අතර දිගින් දිගටම ලකුණු අතර නොසිටි අජින්ක්‍යා රහනේට සාර්ථක වීමට අවස්ථාවක් ලබා නොදෙමින් දවාගැනීමට ඩිල්රුවන් පෙරේරා සමත්විය.

සුරංග ලක්මාල්ගේ සහ ඩිල්රුවන් පෙරේරාගේ පන්දු හමුවේ දෙවරක් කඩුල්ල මුවා කිරීමේ වරදට හසුව දැවීයාමට අජින්ක්‍යා රහනේ ආසන්න වුවද විනිසුරු තීරණය විමසීමේ ක්‍රමවේදය හේතුවෙන් ඉන් ගැලවිමට ඔහුට අවස්ථාව හිමිවිය.

අර්ධ ශතකයට ලකුණක් මෙපිටින් සිටි චෙතේෂ්වර් පුජාරා දවාගැනීමට ධනංජය ද සිල්වා සමත්විය. ස්ලිප්හී පන්දු රකිමින් සිටි ඇන්ජලෝ මැතිව්ස් අතට උඩපන්දුවක් දෙමින් දැවීයන විට පන්දු 66 කට මුහුණදුන් පුජාරාගේ ඉනිමට හතරේ පහර ඇතුළත් විය.

ඩිල්රුවන් පෙරේරාගේ පන්දුවක් හමුවේ චෙතේෂ්වර් පුජාරා කඩුල්ල මුවා කළේ යැයි ඉල්ලීමක් කළද ප්‍රධාන විනිසරු විසින් පන්දුව පිත්තේ වදින්නේ යැයි පවසමින් එම ඉල්ලීම ප්‍රතික්‍ෂේප කිරීමත් සමගින් විනිසුරු තීරණය විමසීමේ ක්‍රමවේදය ඉල්ලා සිටිමට නායක දිනේෂ් චන්දිමාල් පියවර ගත්තේය.

පුණරූපන නැරඹීමේදී පන්දුව පිත්තේ වැදීමට පෙර පා ආවරණයේ වදින ආකාරයක් දිස්වුවද පන්දුව කඩුල්ලේ නොවැදීම හේතුවෙන් චෙතේෂ්වර් පුජාරාට කඩුල්ලේ රැඳී සිටීමේ වාසනාව හිමිවිය. ඒ අනුව ශ්‍රී ලංකා කණ්ඩාය සතුව තිබූ විනිසුරු තීරණය විමසීමේ අවස්ථා දෙකෙන් එකක් අහිමිව ගියේය.

අද 32 වැනි වියට පා තැබූ ශිකර් ධවාන් සිය පස්වැනි ටෙස්ට් අර්ධ ශතකය රැස්කිරීමෙන් අනතුරුව ලකුණු රැස්කිරීමේ වේගය වැඩිකිරීමට උත්සහ කිරීමේදී ලක්ෂාන් සඳකැන්ගේ පන්දුවකට ඉදිරියට පැන පහරක් ගැසිමට යාමේදී ස්ටම්ප් කිරීමකට හසුව ලකුණු 67 කට දැවී ගියේය.

දිල්ලිහි ෆෙරෝස්ශා කොට්ලා ක්‍රීඩාංගණය අවට පරිසරය වායු දූෂණයට ලක්වි පැවතීම හේතුවෙන් පළමු ඉනිමේදී මෙන් දෙවැනි ඉනිමේදීද ශ්‍රී ලංකා ක්‍රිඩකයෝ මුඛ ආවරණ පැළඳ පන්දු රැකීමට පිටියට පිවිසියහ. හයවැනි ඕවරයේදී ක්‍රියාත්මක වනවිටදී සුරංග ලක්මාල් වමනය කිරීම නිසා භෞතික චිකිත්සක වරයා පැමිණ ඔහුව පිටියෙන් ඉවතට ගෙන ගියේය.

තෙවැනි දිනය සදහා ඊයේ (4 වැනිදා) තරගය නතර කරනවිට පළමු ඉනිම සදහා කඩුලු 9 ක් දැවී ලකුණු 356 ක් රැස්කරගෙන සිටි ශ්‍රී ලංකා කණ්ඩායමට අද උදෑසන රැස්කිරීමට හැකිවූයේ ලකුණු 17 ක් පමණි.

නායකත්වයේ ඉනිමක් ක්‍රීඩාකරමින් ටෙස්ට් ක්‍රිකට් දිවියේ ඉනිමක රැස්කළ ඉහළම ලකුණු සංඛ්‍යාව වාර්තා කළ දිනේෂ් චන්දිමාල් ලකුණු 150 සීමාව පසුකළ සිවුවැනි අවස්ථාව විය. අවසන් කඩුල්ල ලෙස ලකුණු 164 ක් රැස්කළ දිනේෂ් චන්දිමාල් දැවීයන විට ලක්ෂාන් සඳකැන් සමගින් ලකුණු 30 ක සම්බන්ධතාවයක්ද ගොඩනැගූ අතර එම ලකුණු 30 චන්දිමාල්ගේ පිත්තෙන් වාර්තාවිය.

වැඩිපුරම කියැවූ පුවත්

කුසල් – දිමුත් ශ‍්‍රී ලංකාවේ ගෞරවය බේරා ගැනීමේ ප‍්‍රබල සටනක