Menu

විමල්-ගම්මන්පිලගේ පක්‍ෂවලට ඒකාබද්දයෙන් කැපිල්ලක්..උසස් නැතැයි ලේකම්ලා එළවයි

October 5, 2017

විමල්-ගම්මන්පිලගේ පක්‍ෂවලට ඒකාබද්දයෙන් කැපිල්ලක්..උසස් නැතැයි ලේකම්ලා එළවයි

ඒකාබද්ධ විපක්ෂය විසින් මෑතකදී ආරම්භ කල ඒකාබද්ධ මාධ්‍ය මධ්‍යස්ථානය පිහිටුවීමේ අවස්ථාවේදී ජාතික නිදහස් පෙරමුණ හා පිවිතුරු හෙළ උරුමයට අසාධාරණයක් සිදුව ඇතැයි එම පක්ෂය පෙන්වා දෙයි.

පැවති රජය සමයේ දී මාධ්‍ය ආයතනවල ප්‍රධාන තනතුරු දැරූ පිරිසක් හා තවත් කිහිප දෙනෙකු එක්ව හිටපු ජනාධිපති මහින්ද රාජපක්ෂ මහතාගේ කොළඹ විජේරාම මාවතේ පිහිටි නිවසේදී සාකච්ඡාවක් පසුගියදා සිදු කර ඇති අතර ජාතික පෙරමුණේ මාධ්‍ය ලේකම් අනුරුද්ද රණවාරන හා පිවිතුරු හෙළ උරුමයේ මාධ්‍ය ලේකම් අරවින්ද අතුකෝරල යන මහත්වරුන්ටද ඊට සහභාගී වන ලෙස දන්වා තිබී ඇත.

එම දැනුම් දීම අනුව ඔවුන් දෙදෙනාද හිටපු ජනාධිපතිවරයාගේ නිල නිවසට ගියද එහිදී ආරක්ෂක අංශ විසින් හිටපු ජනාධිපති පෞද්ගලික ලේකම් උදිත ලොකු බණ්ඩාර දැනුවත් කිරීමෙන් ඔහු පවසා ඇත්තේ මෙම සාකච්ඡාව පැවැත්වෙන්නේ උසස් මට්ටමේ පිරිසක් අතර නිසා ඔවුන් දෙදෙනා නිවෙසට ඇතුළු කර ගත නොහැකි බවයි.

ඒ අනුව මාධ්‍ය ලේකම්වරුන් ආපසු හැරී ගොස් ඇත.

පසුගිය වසර දෙක හමාරක පමණ කාලයක් ඒකාබද්ධ විපක්ෂයේ මාධ්‍ය කටයුතුවලට සම්බන්ධවූ මෙම මාධ්‍ය ලේකම්වරුන් දෙදෙනා අදාල සිදුවීම ගැන විමල් වීරවංශ සහ උදය ගම්මන්පිල යන පක්‍ෂ නායකයින් දැනුවත් කර ඇති අතර මේ සම්බන්දයෙන් ඒකාබද්ධ විපක්ෂයේ පක්ෂ නායක රැස්වීමේදී සාකච්චා කරන බව පැවසීය.

-Lankacnews

 

වැඩිපුරම කියැවූ පුවත්

කුසල් – දිමුත් ශ‍්‍රී ලංකාවේ ගෞරවය බේරා ගැනීමේ ප‍්‍රබල සටනක