Menu

‘තිරිසන් දේශපාලනයෙන් මගේ උත්තරීතර පේ‍්‍රමය පාගන්න එපා ..සබීතාට වඩා මගේ මොන අඩුවක්ද..’- මධුෂා රාමසිංහ(PHOTO)

September 10, 2017

තමන්ගේ ජීවීතයටත් වඩා ආදරය කල පෙම්වතා දුමින්ද දිසානායක බව සිය ෆේස් බුක් ගිණුමේ සටහනක් තබමින් මධුෂා රාමසිංහ පවසයි.

දුමින්ද, සබීතා හෝ අන් කිසිදු ගැහැණියකට වසග වන්නට තරම් තම රූපයේ කිසිදු අඩුවක් නැතැයිද ඇය එහි සදහන් කර ඇත.

ඉවසුවා ඇති.
දුමින්ද දිසානායක යනු මා මගේ ජීවිතයටත් වඩා ආදරය කල ආදරණීය පෙම්වතා බව මා කිසිවිටෙකත් සගවා නැත.. නුඹලාගෙ තිරිසන් දේශපාලනය නිසා මගේ උත්තරීතර ප්‍රේමය පයට පාගන්න එපා.. දුමින්දට සබීතා හෝ වෙනත් කිසිදු අයෙකු නිසා හෝ වසග වී රාජ්‍ය හා පොදු දේපල අවභාවිතයේ යෙදවීමේ කිසිදු අවශ්‍යතාවයක් නොමැතිබව වගකීමෙන් සියල්ලන්ට දන්වා සිටිමි. හොදින් මා රූපය දෙස බලන්න.. මගෙ ආදරණීය පෙම්වතාට ඔහුට වඩා වයසින් වැඩි කිසිදු කාන්තාවක් වෙත වසග වීමට තරම් අඩුවක් මා සතු නොවේ යැයි ඔබටවැටහෙනු ඇත.. ඔබ ඔබේ දේශපාලනය වෙනුවෙන් අපගේ ගෞරවය විකිණීම තිරිසන් ක්‍රියාව පිළිකුලෙන් යුතුව හෙළාදකිමි. ඔබ කුමන දේශපාලන මතවාදයක් දැරූවද මෙය තමා නියෝජනය කරන නායකත්වයට කරන ගෞරවයක් නොවෙයි . එබැවින් මා හා මගේ ජීවිතයේ මගේ සංසාරගත උත්තරීතර ප්‍රේමය ලෙස ගෞරවාදරයෙන් සලකන ඔහු දේශපාලන වශයෙන් වැනසීමට මා යොදාගැනීමෙන් වලකින ලෙස සියල්ලන්ට දන්වමි.
මා දේශපාලන වශයෙන් අද වන විට වෙනත් මතවාදයක් දරන බව සැබෑවකි. එනමුදු ජීව්තය තුල උත්තරීතරත්වයෙන් සැලකූ මාගේ සංසාරගත බැදීම ලොවක් අභිමුව පයට පෑගීමට සූදානම් නැත. තවදුරටත් අප ගැන චරිත සහතික ලිවීමට සූදානම් වන සැමට දන්වමි. දුමින්ද දිසානායක හා මා අතර වූ පුද්ගලික ගැටලුවක් නිසා මා යහපාලනයෙන් ඉවත් වූවා නොවේ… ඒ කිසිදු දේශපාලන මතවාදයකට ඔහු මෙතෙක්කල් මා වෙත කිසිදු බලපෑමක් කර නැත.. එසේම ඔහු වටා රැස්ව ඔහුගේ ගෞරවය හානි කොට ඔහු තුලින් බැබලී ඔහු වැනසීමට වෙහෙස දරණ හිවල් පවිටු මිතුරන් කිහිප දෙනෙකු විසින් නිහඩ දුමින්දගේ නිහඩ භාවයෙන් අයුතු ප්‍රයෝජන ගැනීමට තැත් කිරීම පහත් ක්‍රියාවකි.
නිහඩ මිනිසුන්ට අපහාස කිරීම නින්ධිත ක්‍රියාවක් ලෙස දකිමි. මා දේශපාලන වශයෙන් දුමින්ද ගොඩනැගීමටත් දුමින්ද නිවැරැදි කිරීමටත් දැඩි පරිශ්‍රමයක් යෙදූ අතර ඔහු මට පමණක් අයත් වස්තුවක් නොවන බැවින් මගේ ප්‍රේමය පසෙකලා මින් වසර දෙකකට පමණ පෙර මා ඔහු මගේ රටේ ජනතාව වෙතම තිලිණ කර නිදහස් කලෙම්. ඒ ඔහු ගැන ඉතා අවබෝධයෙන් කටයුතු කල නිසාවෙනි. දුමින්ද දිසානායකගේ වරදක් නිසා හෝ අඩුපාඩුවක් නිසා හෝ ඔහුගේ පුද්ගලික ගැටලුවක් නිසා මා මගේ තීන්දු තීරණ වෙනස් කල බව පවසමින් නින්ධිත ප්‍රභන්ද ගොඩනගන සැමට දන්වමි. ඔහුවන් උත්තරීතර මිනිසෙක්ට පුද්ගලිකව පහර ගැසීමට තරම් ඔබ සාහසික නොවන්න… ඔහුගේ දේශපාලනය විවේචනය කරන්න ,නියෝජනය කරන්න.. ඒ ප්‍රජාතන්ත්‍රවාදී අයිතිය ඔබ සතුව ඇත. එයට මා ගරු කරමි. එහෙත් ඔහුගේ පුද්ගලික ජීවිතය විවේචනය කිරීමට ඔබ කිසිවෙක්ට සදාචාරාත්මක අයිතියක් නොමැති බව සිහිතබා ගන්න..
මධූෂා රාමසිංහ

ඉවසුවා ඇති.දුමින්ද දිසානායක යනු මා මගේ ජීවිතයටත් වඩා ආදරය කල ආදරණීය පෙම්වතා බව මා කිසිවිටෙකත් සගවා නැත.. නුඹලාගෙ තිරිස…

Posted by Madusha Ramasinghe on Saturday, September 9, 2017

වැඩිපුරම කියැවූ පුවත්

කුසල් – දිමුත් ශ‍්‍රී ලංකාවේ ගෞරවය බේරා ගැනීමේ ප‍්‍රබල සටනක